سعودی طلباء کا کارنامہ، کھجور اور چاول کے فضلے سے بائیو فیول تیار کرلیا

سعودی عرب کی کنگ فہد یونیورسٹی کے طلبا نے کھجور اور چاول کے فضلے سے بائیو فیول بنا کر اہم کامیابی حاصل کرلی۔

سعودی خبر رساں ادارے کی رپورٹ کے مطابق طالب علم مروان الغامدی کا اس حوالے سے کہنا تھا کہ یونیورسٹی کی جانب سے انہیں مختلف پروجیکٹس اسائن کیے گئے جو گروپ کو بنانے تھے، باہمی مشورہ کرکے بائیو فیول پر کام شروع کیا۔

مروان الغامدی کا کہنا تھا پروجیکٹ کی خاصیت یہ ہے کہ اس کے ذریعے بچا ہوا کھانا استعمال کیا جاسکے گا جبکہ کھجور کی جھاڑ کو بھی استعمال کیا جاسکے گا۔

ایک اندازے کے مطابق مملکت میں سالانہ 40 لاکھ ٹن خوراک ضائع ہو جاتی ہے جو ہمارے اس منصوبے میں استعمال کیا جاسکے گا۔ اس سے تجارتی پیمانے پر بائیو فیول کی تیاری ممکن ہوسکے گی۔