سوشل میڈیا کی بندش سے مارک زکربرگ کو 3 ارب ڈالر کا نقصان

دنیا بھر گزشتہ روز ہونے والی ایک گھنٹے کی سوشل میڈیا کی بندش کے باعث سوشل میڈی صارفین شدید مشکلات کا شکار ہوئے، یہی نہیں اس ایک گھنٹے کی بندش سے مارک زکربرگ کو اربوں ڈالر کے نقصان کا بھی سامنا کرنا پڑا۔ 

سوشل میڈیا کی بندش کے باعث فیس بک اور انسٹا گرام صارفین کے اکاؤنٹس خود ہی سائن آؤٹ ہوگئے تھے۔ تاہم کچھ دیر بعد یہ اکاؤنٹس خود ہی لاگ ان ہوگئے تھے۔ 

دنیا کے چوتھے امیر ترین فرد مارک زکربرگ کو منگل کو ہونے والی ایک گھنٹے کی سوشل میڈیا بندش سے 3 ارب ڈالر کا نقصان ہوا،ہائی ٹیک فرم میٹا کے فلیگ شپ پلیٹ فارمز فیس بک، انسٹا گرام اور تھریڈز کے شیئرز میں 1.6 فیصد کی کمی دیکھنے کو ملی۔ 

گراوٹ کے باعث وال اسٹریٹ مارکیٹ میں میٹا کا ایک شیئر 490.22 ڈالر کا ہوگیا مارک زکر برگ 179 ارب کے اثاثوں کے ساتھ اب بھی دنیا کی چوتھی امیر ترین شخصیت ہیں۔