کراچی میں بوڑھے شوہر نے ہمبستری سے انکار پر 58 سالہ بیوی کو قتل کردیا

کراچی کے علاقے اورنگی ٹاؤن ساڑھے گیارہ نمبر میں افسوسناک واقعہ پیش آیا جس میں شوہر نے ہمبستری سے انکار پر اپنی بیوی کو قتل کر دیا اور خود تھانے پہنچ کر گرفتاری دے دی۔

پولیس حکام کے مطابق ملزم علی اصغر ولد اکبر علی تھانے آیا اور قتل کی اطلاع دی،اطلاع ملتے ہی جائے وقوع پر پہنچ کرپولیس نے مقتولہ کی لاش برآمد کی،جس کی شناخت عاصمہ کے نام سے ہوئی ہے۔ 

پولیس کے مطابق ملزم نے اپنے ابتدائی بیان میں اعتراف کیا ہے کہ اس نے ذاتی رنجش کی بنا پر بیوی کے سر پر لوہے کی راڈ کے وار کر کے اسے موت کے گھاٹ اتارا۔ 

پولیس کے مطابق مقتولہ چار بچوں (دو بیٹوں اور دو بیٹیوں) کی ماں تھی اور واقعے کے وقت گھر میں کوئی دوسرا فرد موجود نہیں تھا، واقعے کی مزید تفتیش جاری ہے۔