مال مفت دل بے رحم، یورپ میں بحالی کے بعد جانے والی پہلی پرواز میں پی آئی اے حکام کا مفت سفر، اہل خانہ بھی شریک

مال مفت دل بے رحم، پی آئی اے حکام نے یورپ پروازوں کی بحالی کا ناجائز فائدہ اٹھایا

پاکستان انٹرنیشنل ایئرلائنز (پی آئی اے) کے حکام نے یورپ کے لیے پروازوں کی بحالی کا ناجائز فائدہ اٹھایا ہے۔ 

اسلام آباد سے پیرس جانے والی پرواز میں 11 پی آئی اے کے اہلکار و افسران مسافروں کے ساتھ مفت میں سفر کیا۔

جنہوں نے مفت سفر کے مزے لیے ان میں سی ای او، ڈائریکٹر ٹیکنیکل، ڈائریکٹر ایچ آر اور ڈائریکٹر کمرشل سمیت دیگر اہم عہدیدار شامل تھے۔یہ تمام حکام اکانومی کلاس کے بجائے کلب کلاس میں سفر کر رہے تھے۔ مزید برآں، ایک اہلکار کا اہل خانہ بھی ان کے ساتھ مفت میں سفر کر رہا تھا۔

پی آئی اے کے ترجمان کا کہنا ہے کہ اہل خانہ نے اپنا سفر خود ادا کیا ہے اور حکام ایئر لائن کے فلائٹ آپریشن کا جائزہ لینے فرانس گئے تھے۔ تاہم، اس واقعے نے عوام میں پی آئی اے حکام کے خلاف مزید غصہ پیدا کر دیا ہے۔