رانگ سائیڈ آنے والے تیز رفتار ٹینکر نے 13 سالہ بچے کو کچل دیا، ٹریفک حادثات میں 3 ہلاک

کراچی کے مختلف علاقوں میں ہونے والے ٹریفک حادثات میں تین افراد ہلاک ہو گئے، جن میں دو نوجوان بھی شامل ہیں۔  خونی اور تیز رفتار واٹر ٹینکر نے نوجوان کی زندگی چھین لی۔

تفصیلات کے مطابق گلشن معمار کے علاقے سیکٹر ایس (کریم شاہ مزار روڈ) کے قریب ایک واٹر ٹینکر نے موٹر سائیکل سوار 13 سالہ یاسین کو ٹکر ماری، جس سے وہ موقع پر ہی جاں بحق ہو گیا۔

ٹینکر مخالف سمت سے آ رہا تھا۔ حادثے کے بعد مشتعل افراد نے ٹینکر پر پتھراؤ کیا اور اس کی ونڈ اسکرین توڑ دی۔ پولیس نے ڈرائیور کو گرفتار کر لیا ہے۔  

کیماڑی گیٹ نمبر 15 (مدینہ مسجد کے قریب) ایک نامعلوم گاڑی نے ایک 48 سالہ راہگیر کو ٹکر مار دی، جس سے وہ جاں بحق ہو گیا۔ متوفی کی شناخت اب تک نہیں ہو سکی۔ جیکسن پولیس واقعے کی تحقیقات کر رہی ہے۔  

شیرشاہ (النور کانٹا کے قریب) ایک نوجوان ٹرک سے گر کر ہلاک ہو گیا۔ ایدھی رضاکاروں نے 16 سالہ انور کی لاش سول اسپتال پہنچائی۔ پولیس مزید تفتیش کر رہی ہے۔