رانی پور کمسن ملازمہ قتل کیس، مقتولہ کی ماں کی ملزمان سے صلح

خیرپور کے علاقے رانی پور میں پیر کی حویلی میں کمسن ملازمہ فاطمہ کے قتل کے کیس میں اہم پیش رفت سامنے آئی، مقتولہ کی ماں شبنم نے ملزمان سے صلح کرلی۔

ذرائع کے مطابق اس سلسلے میں وکیل مدعی کی جانب سے تصفیے کا تحریری بیان عدالت میں جمع کروادیا گیا ہے۔

مقتولہ بچی کی والدہ کا اس تحریری بیان میں کہنا ہے کہ ملزمان کو ضمانت دے کر مقدمہ ختم کیا جائے۔فورتھ ایڈیشنل سیشن جج نے کیس کی سماعت 17 فروری تک ملتوی کردی۔

یاد رہے کہ گزشتہ برس پیر اسد شاہ کی حویلی میں ملازمہ فاطمہ کی موت واقع ہوگئی تھی۔ پوسٹ مارٹم رپورٹ میں بچی سے جنسی زیادتی اور تشدد بھی ثابت ہوا تھا۔

واضح رہ کہ اس قتل کیس میں ملزمان پیر اسد شاہ، حنا شاہ، فیاض شاہ اور امتیاز جیل میں ہیں۔