صارم کا پوسٹ مارٹم مکمل، جسم پر تین جگہ زخم کے نشانات

نارتھ کراچی میں پانی کے ٹینک سے لاپتہ بچے صارم کے کیس کی پیشرفت سامنے آئی۔

صارم کی پوسٹ مارٹم سے قبل ابتدائی رپورٹ تیار کرلی گئی۔ پولیس سرجن ڈاکٹر سمعیہ کا کہنا ہے کہ 7 سے 8 سال کے بچے کی لاش عباسی شہید اسپتال لائی گئی، بچے کے جسم پر متعدد زخموں کے نشانات موجود ہیں۔

پولیس سرجن نے کہا کہ بچے کے جسم سے نمونے حاصل کرلیے گئے ہیں، بچے کی موت کی وجہ تفصیلی رپورٹ آنے کے  بعد سامنے آئے گی۔ اس سے قبل پولیس کا کہنا تھا کہ بچے کے لاپتہ ہونے کے بعد والد کو 5 لاکھ روپے تاوان کا جعلی میسج موصول ہوا تھا۔