صارم قتل کیس میں اہم شواہد حاصل، پولیس قاتل کے قریب پہنچ گئی

پولیس نے نارتھ کراچی میں فلیٹ سے اغوا کے بعد قتل ہونے والے صارم کے قاتل تک پہنچنے کا دعویٰ کیا ہے۔

تفصیلات کے مطابق ایس ایس پی سینٹرل نے مقتول صارم کے گھر کا دورہ کیا اور والدین کو حالیہ بڑی پیشرفت سے آگاہ کیا۔

انہوں نے بتایا کہ صارم کے کیس میں پولیس نے اہم شواہد مل گئے ہیں جبکہ جلد ہی واقعے میں ملوث ملزم کو گرفتار کر کے قرار واقعی سزا دی جائے گی۔

ایس ایس پی سینٹرل نے جائے وقوعہ کا ایک بار پھر سے دورہ کیا اور تفتیشی افسر و ڈی آئی جی ویسٹ کی سربراہی میں بننے والی ٹیم سے استفسار بھی کیے۔

ایس ایس پی سینٹرل نے اہل خانہ کو یقین دہانی کروائی کہ واقعے میں ملوث ملزم کو گرفتار کر کے قرار واقعی سزا دلوائی جائے گی۔

واضح رہے کہ صارم 11 روز تک لاپتہ رہا جس کے بعد 19 جنوری کو اُس کی لاش فلیٹ میں واقع ٹینک سے برآمد ہوئی تھی۔ پوسٹ مارٹم میں بچے سے زیادتی اور تشدد کے شواہد سامنے آئے جبکہ یہ بھی انکشاف ہوا تھا کہ بچے کی گردن کی ہڈی ٹوٹی ہوئی تھی اس کے علاوہ سر پر گہری چوٹ تھی۔