بھارت کے دو معروف کرکٹر گراؤنڈ میں لڑ پڑے، ویڈیو وائرل

بھارت کے شہر گجرات میں ہونے والی لیجنڈز لیگ کے درمیان دو سابق لیجنڈ کھلاڑی آپس میں لڑ پڑے جس کی ویڈیو سوشل میڈیا پر وائرل ہورہی ہے۔

بھارتی شہری گجرات کے علاقے سورت میں لیجنڈز لیگ کا میچ انڈین کیپیٹلز اور گجرات ٹائٹنز کے درمیان کھیلا گیا۔

میچ کے دوران گوتم گمبھیر اور سابق فاسٹ بولر سری ناتھ معمولی تکرار ہوئی اور پھر بات اس حد تک بڑھ گئی کہ امپائرز کو مداخلت کر کے دونوں کھلاڑیوں کو پیچھے ہٹانا پڑا۔

سری ناتھ نے بتایا کہ ’میچ کے دوران گوتم گمبھیر نے نازیبا کلمات ادا کر کے مجھے اشتعال دلانے کی کوشش کی جبکہ میں کئی بار ایسے القابات اور کلمات کو نظر انداز کرچکا تھا‘۔

Heated conversation between Gautam Gambhir and S Sreesanth in the LLC. pic.twitter.com/Cjl99SWAWK

— Mufaddal Vohra (@mufaddal_vohra) December 7, 2023

انہوں نے بتایا کہ ’میچ کے دوران گوتم نے مجھے فکسر کہہ کر بھی بلایا جس پر میرے صبر کا پیمانہ لبریز ہوا اور پھر میں نے مجبورا اُسے جواب دیا تو وہ مشتعل ہوگیا‘۔