ہلک ہوگن کی موت کی وجہ کیا بنی ؟ بڑا انکشاف

معروف پروفیشنل امریکی ریسلر ہلک ہوگن کی موت کی وجہ سامنے آگئی۔

رپورٹس کے مطابق معروف ریسلر ہوگن کا اصل نام ٹیری جین بولیا تھا جو  71 سال کی عمر میں 24 جولائی کوانتقال کرگئے۔

پنلاس کانٹی کے فارنزک سائنس سینٹر کی دستاویزات کے مطابق ہاگن کی موت کی تصدیق شدہ وجہ شدید دل کا دورہ (Acute Myocardial Infarction) تھی جسے عام طور پر ہارٹ اٹیک کہا جاتا ہے۔

طبی رپورٹس کے مطابق ہوگن کے دل کے پٹھوں کو خون کی روانی میں اچانک رکاوٹ پیدا ہوئی جس کے باعث ٹشو کو نقصان پہنچا، انہیں دل کی ایک بیماری ایٹریئل فبریلیشن لاحق تھی جس میں دل کی دھڑکن بے ترتیب اور تیز ہو جاتی ہے۔

دستاویزات میں انکشاف کیا گیا کہ ہلک ہوگن کینسر کی ایک قسم کرونک لمفوسائٹک لیوکیمیا کا بھی شکار تھے جو سفید خون کے خلیات کو متاثر کرتی ہے۔

یہ بات ان کے کروڑوں مداحوں کے لیے حیران کن تھی کیونکہ ان کی بیماری سے متعلق معلومات پہلے کبھی منظر عام پر نہیں آئیں۔