جاوید آفریدی کا پاک فوج کیلئے 50 ملین کا اعلان

پشاور: زلمی فانڈیشن کے چیئرمین اور پاکستان سپر لیگ (پی ایس ایل) کی فرنچائز پشاور زلمی کے مالک جاوید آفریدی نے پاکستان کی مسلح افواج کی مدد کے لیے 50 ملین روپے دینے کا اعلان کیا ہے۔

پشاور زلمی کے مالک جاوید آفریدی نے یہ اعلان X  پر ایک سوشل میڈیا پوسٹ کے ذریعے کیا۔

پشاور زلمی کے مالک جاوید آفریدی نے کہا کہ یہ عطیہ افواج پاکستان کی بہادری اور قربانیوں کے اعزاز میں دیا جا رہا ہے۔ انہوں نے ملک کی خودمختاری کے دفاع میں ان کے کردار کا اعتراف کیا اور ان کی مسلسل لچک اور عزم کی تعریف کی۔

انہوں نے کہا کہ یہ تعاون زلمی فانڈیشن کے ذریعے کیا جا رہا ہے، جو اس سے قبل ملک بھر میں سپورٹس اکیڈمیز اور کرکٹ ٹورنامنٹس سمیت مختلف سماجی ترقی کے اقدامات میں مصروف ہے۔