کوہلی کی سنچری آخر کیوں مذاق بن گئی

بھارتی کرکٹ ٹیم کے سابق کپتان ویرات کوہلی کی آئی پی ایل میں سُست ترین سنچری سوشل میڈیا پر مذاق بن گئی۔

سابق کپتان نے ہفتہ کو آئی پی ایل کے جاری سیزن میں راجستھان رائلز کے خلاف ناقابل شکست 113 رنز بنائے۔

انہوں نے اپنی سنچری 67 گیندوں میں مکمل کی جو آئی پی ایل کی تاریخ کی مشترکہ سُست ترین سنچری ہے۔ اس سے قبل 2009 میں منیش پانڈے نے 67 گیندوں پر سنچری اسکور کی تھی۔

کوہلی کی اننگز کے دوران ان کے اسٹرائیک ریٹ اور جارحانہ ارادے پر کرکٹ پنڈتوں نے سوال اٹھایا ہے۔

ایکس  (سابقہ ٹویٹر) پر پاکستانی کرکٹر جنید خان نے کوہلی کا مذاق اڑاتے ہوئے ان کی سنچری کو ''آئی پی ایل کی تاریخ میں سب سے سست 100”قرار دیا۔