پاکستان کی شاندار کامیابی، پہلی بار گولڈ میڈل جیت لیا

پاکستان نے بین الاقوامی بیالوجی اولمپیاڈ میں اپنا پہلا گولڈ میڈلحاصل کر کے تاریخ رقم کر دی ہے۔

پاکستان اٹامک انرجی کمیشن (PAEC) کے ترجمان کے مطابق، بین الاقوامی بیالوجی اولمپیاڈ کا 35 واں ایڈیشن 20 جولائی کو فلپائن میں شروع ہوا۔ اس مقابلے میں پاکستان کی نمائندگی کرتے ہوئے عبدالرفیع پراچہ نے گولڈ میڈل جیتا۔

پاکستان کی قومی ٹیم کی قیادت ڈاکٹر اسماء عمران اور ڈاکٹر اسماء رحمان نے کی۔

ترجمان نے مزید بتایا کہ مس ایان اسلم کو ان کی کارکردگی پر قابل ذکر اعزاز  سے نوازا گیا، جبکہ سعدیہ ذوالفقار اور عروج فاطمہ نے بھی پاکستانی وفد کے حصے کے طور پر شرکت کی۔

اس کے علاوہ، ترجمان نے یہ بھی بتایا کہ پاکستان نے فرانس میں منعقدہ بین الاقوامی فزکس اولمپیاڈ میں بھی کانسی کا تمغہ جیتا ہے۔