پاکستانی کرکٹر حیدر علی برطانیہ میں زیادتی کیس میں بری

برطانیہ میں پاکستانی کرکٹر حیدر علی کے خلاف ریپ کے الزامات ناکافی شواہد پر خارج کردیا گیا ہے۔

برطانوی پولیس نے پاکستانی کرکٹر حیدر علی کے خلاف ریپ کے الزامات کو ناکافی شواہد کی بنیاد پر خارج کر دیا ہے۔

پولیس ذرائع کے مطابق، تحقیقات کے دوران کرکٹر کے خلاف کوئی قابلِ قبول ثبوت نہیں ملا۔ مانچسٹر پولیس کو 4 اگست کو جنسی زیادتی کی شکایت موصول ہوئی تھی، جس کے بعد تحقیقات کا آغاز کیا گیا۔

یہ واقعہ مبینہ طور پر 23 جولائی کو مانچسٹر میں پیش آیا تھا۔ پولیس کا کہنا ہے کہ تحقیقات مکمل ہونے کے بعد اب حیدر علی کو ان کا پاسپورٹ واپس کر دیا جائے گا، جس کے بعد وہ آزادانہ طور پر برطانیہ کا سفر کر سکیں گے۔