پاکستانی نوجوان نے 18 سال بعد برطانیہ میں قومی پرچم سربلند کردیا

پاکستانی نوجوان سہیل عدنان نے 18 سال بعد برٹش جونیئر اوپن اسکواش کا ٹائٹل جیت لیا۔

سہیل عدنان نے انڈر 13 کیٹیگری میں گولڈ میڈل اپنے نام کیا، انہوں نے فائنل میں مصر کے معیز تیمر المغازی کو سنسنی خیز مقابلے میں شکست دی۔

قومی جونیئر اسکواش کھلاڑی نے دو کے مقابلے میں تین سیٹ سے کامیابی حاصل کی۔ سہیل عدنان نے اس سے قبل سیمی فائنل میں بھی مصری کھلاڑی کو ہرایا تھا۔

سہیل عدنان کچھ روز قبل سکاٹش جونیئر اوپن اسکواش میں بھی ٹائٹل اپنے نام کرچکے ہیں۔ صدر پنجاب اسکواش ایسوسی ایشن نور الامین مینگل کی سہیل عدنان کو تاریخی کامیابی پر مبارکباددی۔