شعیب ملک نے ایک بار پھر بڑا فیصلہ کرلیا

سابق کپتان شعیب ملک نے پاکستان سپر لیگ (پی ایس ایل) کی فرنچائز کراچی کنگز سے علیحدگی کا فیصلہ کرلیا ہے۔

شعیب ملک نے سماجی رابطے کے پلیٹ فارم ایکس پر اپنے بیان میں کہا کہ ان کا کراچی کنگز کے ساتھ وقت ختم ہوگیا ہے۔

اُن کا کہنا تھا کہ  فرنچائز اور ساتھیوں کے ساتھ کھیلنے کا تجربہ شاندار رہا، دو سیزنز میں منیجمنٹ نے انہیں بہت اسپورٹ کیا۔

شعیب ملک نے ٹیم کے تمام کھلاڑیوں کے لیے نیک خواہشات کا بھی اظہار کیا۔انہوں نے کہا کہ اب وہ  پہلی مرتبہ پی ایس ایل ڈرافٹ کا حصہ بننے کے منتظر ہیں۔