شاہد آفریدی نے عمرہ ادائیگی کے دوران بیٹی کی تصاویر شیئر کردیں

قومی ٹیم کے سابق کپتان شاہد آفریدی ان دنوں عمرہ کی ادائیگی کے لیے سعودی عرب میں موجود ہیں۔ سابق کرکٹر نے روحانی سفر کے دوران اپنی بیٹی کے ہمراہ لی گئی تصاویر انسٹا گرام پر شیئر کیں۔

شاہد آفریدی نے تصویروں کے کیپشن میں لکھا کہ ''میری زندگی کی روشنی کے ساتھ عمرہ کے راستے پر، میری چھوٹی بچی، بیٹیوں کے ساتھ والدین کے لیے دعائیں - جیسا کہ وہ اللہ کی نعمت ہیں، ان کی تمام خواہشات کو پورا کرنا اور ان کی اچھی پرورش کرنا ہماری خدمت کے بہترین کاموں میں سے ایک ہے۔ اللہ ہماری تمام خواتین کو ہمیشہ اپنی حفاظت میں رکھے آمین۔

واضح رہے کہ شاہد آفریدی ایک سابق پاکستانی کرکٹر ہیں جو اپنی شاندار بیٹنگ اور رائٹ آرم لیگ اسپن باؤلنگ کے لیے مشہور تھے۔ آفریدی اپنی ہارڈ ہٹنگ کے لیے جانے جاتے ہیں۔

آفریدی نے کئی سالوں تک پی ایس ایل کھیلا۔ آج کل وہ سماء ٹی وی کے ایک شو میں بطور تجزیہ کار حصہ لے رہے ہیں۔