شاہین آفریدی اور محمد عامر کی شاندار بولنگ

دبئی میں ہونے والے آئی ایل ٹی 20 میچ میں شاہین شاہ آفریدی اور محمد عامر نے تباہی مچا دی۔

تفصیلات کے مطابق آئی ایل ٹی20 میں ڈیزرٹ وائپرز نے گلف جائنٹس کو بآسانی 6 وکٹ سے شکست دے دی، فاتح ٹیم نے 161رنز کا ہدف 8بالز قبل 4 وکٹ پر حاصل کیا۔

اعظم خان26 اور شرفین ردرفورڈ 20رنز پر ناٹ آؤٹ رہے جبکہ وانندو ہسارنگا 42 اور ایڈم ہوز 39 رنز بنانے میں کامیاب رہے، رچرڈ گلیسن اور ڈومینک ڈریکس نے 2 ،2 وکٹیں لیں۔

قبل ازیں، ناکام سائیڈ نے مقررہ اوورز میں 6 وکٹ پر 160 رنز اسکور کیے۔ کرس لین نے 63 رنز کی اننگز کھیلی۔

شاہین شاہ آفریدی آتے ہی چھا گئے اور چار اوورز میں 22 رنز دے کر 3 وکٹیں لیں، اسی طرح محمد عامر نے 27 رنز دے کر ایک وکٹ حاصل کی۔