شاہین شاہ آفریدی نے عمرے کی سعادت حاصل کرلی

پاکستانی کرکٹ ٹیم کے فاسٹ باﺅلر شاہین آفریدی نے عمرے کی سعادت حاصل کر لی۔

قومی ٹیم کے ممتاز پیسر نے سوشل میڈیا پر ایک پوسٹ شیئر کی ہے جس میں وہ احرام باندھے ہوئے ہیں اور بیت اللہ ان کے عقب میں صاف نظر آ رہا ہے۔

اس کے ساتھ کیپشن میں شاہین آفریدی نے لکھا " الحمداللہ! کعبے کی رونق، کعبے کا منظر، اللہ اکبر، اللہ اکبر"۔

شاہین آفریدی کو تصویر شیئر کرنے اور عمرے کی سعادت حاصل کرنے پر صارفین اور ساتھیوں نے مبارک بادیں دیں جبکہ انہوں نے دعاؤں کی خاص درخواست بھی کی۔

ابتدائی سات گھنٹوں میں ہی مبارک باد دینے والوں کی تعداد 2 لاکھ سے تجاوز کر گئی۔