اتھیا شیٹی اور کے ایل راہول کے ہاں جلد خوشخبری متوقع

بھارتی اداکار سنیل شیٹی کی صاحبزادی اتھیا شیٹی اور کے ایل راہول نے 8 نومبر کو اپنی پہلی اولاد کی آمد کا اعلان کر کے اپنے چاہنے والوں کو سرپرائز دے دیا۔

اس جوڑے نے جنوری 2023 میں شادی کی تھی جبکہ اب ایک سوشل میڈیا پر ایک پوسٹ کے ذریعے یہ خوشی کی خبر شیئر کی۔

پوسٹ میں انہوں نے اپنے جوش و خروش اور تشکر کا اظہار کیا کیونکہ وہ 2025 میں اپنے بچے کو خوش آمدید کہنے والے ہیں۔

اس سادہ سی گرافک پوسٹ میں تحریر تھا، 'ہماری خوبصورت رحمت جلد آرہی ہے، 2025'۔۔۔اتھیا اور راہول'۔

تاہم اس کے علاوہ بچے کی پیدائش کے متوقع مہینے یا جینڈر کے حوالے سے انہوں نے کچھ نہیں بتایا۔

جوڑے کی جانب سے شیئر کی گئی پوسٹ پر مختلف اہم شخصیات کے ساتھ ساتھ مداحوں کی جانب سے مبارکباد کے پیغامات کا سلسلہ جاری ہے۔