تمیم اقبال کا کرکٹ سے دوبارہ ریٹائرمنٹ کا اعلان

بنگلادیش کرکٹ ٹیم کے سابق کپتان تمیم اقبال نے دوسری بار انٹرنیشنل کرکٹ سے ریٹائرمنٹ کا اعلان کردیا ہے۔

تفصیلات کے مطابق 35 سالہ بلے باز اس سے قبل 2023 میں کرکٹ چھوڑنے کا اعلان کرچکے ہیں تاہم انہوں نے سابق وزیراعظم حسینہ واجد کی سفارش پر ایک ہی دن بعد فیصلہ واپس لے لیا تھا۔

تمیم اقبال کے کیریئر پر ایک نظر

بلے باز تمیم اقبال نے 70 ٹیسٹ میچز، 243 ون ڈے اور 78 ٹی 20 میچز میں بنگلادیش کی نمائندگی کی اور انہوں نے بالترتیب 5134، 8357 ، 1758 رنز بنائے ہیں۔

انہوں نے 2008ء میں نیوزی لینڈ کے خلاف ٹیسٹ ڈیبیو کیا جبکہ 2007ء میں  ایک روزہ اور ٹی20 کرکٹ کا آغاز کیا تھا۔