تین ملکی ٹی ٹوئنٹی سیریز، پاکستان نے افغانستان کو فائنل میں شکست دیدی

تین ملکی ٹی ٹوئنٹی سیریز کے فائنل میں پاکستان نے محمد نواز کی تباہ کن بولنگ کی بدولت افغانستان کو75 رنز سے ہرادیا۔

پاکستان نے شارجہ میں کھیلے گئے تین ملکی ٹی ٹوئنٹی سیریز کے فائنل میں افغانستان کے خلاف ٹاس جیت کر بیٹنگ کا فیصلہ کیا۔

پاکستان نے پہلے کھیلتے ہوئے  مقررہ 20 اوورز میں 8 وکٹ  پر 141 رنزبنائے، پاکستان کی جانب سے فخر زمان نے 27، محمد نواز  نے 25  اور سلمان آغا نے 24 رنز  بنائے۔

افغانستان کے راشد خان نے 3، نور احمد اور فضل الحق فاروقی نے 2، 2  کھلاڑیوں کو پویلین کی راہ دکھائی۔

142 رنز کے ہدف کے جواب میں افغان ٹیم محمد نواز کی تباہ کن بولنگ کی بدولت  15 اعشاریہ 5 اوور میں 66 رنز پر ڈھیر ہوگئی۔

محمد نواز نے فائنل  میچ میں افغانستان کے خلاف نہ صرف ہیٹ ٹرک مکمل کی بلکہ شاندار بولنگ کا مظاہرہ کرتے ہوئے  4 اوور میں 19 رنز دے کر 5 کھلاڑیوں کو آٹ کیا۔