ایران جوہری مذاکرات دوبارہ شروع کرنے کو تیار

تہران: ایران نے کہا ہے کہ اگر مغربی طاقتیں سنجیدگی اور خیرسگالی کا مظاہرہ کریں تو ہم اپنے متنازع جوہری پروگرام پر منصفانہ اور متوازن مذاکرات دوبارہ شروع کرنے کیلئے تیار ہیں۔

یہ بات ایران کے وزیر خارجہ عباس عراقچی نے گزشتہ روز یورپی یونین کی خارجہ پالیسی کی سربراہ کاجا کالاس کو بھیجے گئے ایک خط میں کہی۔

انہوں نے کہا کہ ایران منصفانہ اور متوازن سفارتی مذاکرات دوبارہ شروع کرنے کیلئے تیار ہے بشرطیکہ دیگر فریقین سنجیدگی اور خیرسگالی کا مظاہرہ کریں اور ایسے اقدامات سے گریز کریں جو کامیابی کے امکانات کو نقصان پہنچا سکتے ہیں۔