ایشیاء کپ: پاکستان کا بھارت کو جیت کیلئے 128 رنز کا ہدف

ایشیاکپ ٹی ٹوئنٹی ٹورنامنٹ 2025 کے چھٹے میچ میں پاکستان نے روایتی حریف بھارت کے خلاف  ٹاس جیت کر پہلے بیٹنگ کا فیصلہ کیا اور پاکستانی ٹیم کا پہلے بیٹنگ کرنے کا فیصلہ غلط ثابت ہوا۔

بھارتی بولرز نے قومی ٹیم کے بلے بازوں پر شدید پریشر بڑھادیا ،جس کے سبب قومی ٹیم بڑا اسکور کرنے میں ناکام اور 20 اوور کے اختتام پر پاکستانی ٹیم 127 رنز بنا سکی۔

 بھارت کیخلاف پاکستان کی پہلی وکٹ  پہلی ہی گیند پر گری، صائم ایوب  پانڈیا کی گیند پر بغیر کوئی رن بنائے چلتے بنے۔

پاکستان کے دوسرے آؤٹ ہونے والے کھلاڑی محمد حارث تھے جو 6 کے مجموعی اسکور پر 3 رنز بنا کر بمراہ کے ہاتھوں وکٹ پویلین لوٹ گئے۔

45کے مجموعی اسکور پر فخر زمان 17 رنز بنا کر آٹ ہوئے، انہیں اکشر پٹیل نے آٹ کیا۔ ان کے بعد پاکستانی کپتان سلمان آغا بھی 3 رنز بنا کر اکشر پٹیل کے ہاتھوں اپنی وکٹ گنوا بیٹھے۔

حسن نواز بھی 5 رنز بنا کر آٹ ہوگئے، کلدیپ یادیو نے ان کی وکٹ حاصل کی، ان کے بعد حسن نواز  بھی پہلی ہی گیند پر کلدیپ یادیو کا شکار بن گئے۔

بھارت کیخلاف پاکستان کی نویں وکٹ 111 رنز پر گری، سفیان مقیم 10رنز بنا کر آٹ ہوئے۔

شاہین آفریدی نے آخری اوورز میں شاندار کھیل پیش کرتے ہوئے ہاردک پانڈیا کو یکے بعد دیگرے 2 چھکے لگائے۔

آج کے میچ کے لیے پاکستان ٹیم میں کوئی تبدیلی نہیں کی گئی، پاکستان ٹیم  ان ہی 11 کھلاڑیوں کے ساتھ میدان میں اتری ہے جنھوں نے عمان کے خلاف پاکستان کو 93 رنز سے فتح دلوائی تھی۔