بھارت کے سرکاری اسپتال میں مریض کے سر پر چوہوں کا گشت، ویڈیو سامنے آگئی

بھارت کے ایک سرکاری اسپتال کی ویڈیو سامنے آئی جس میں مریض کے سر کے قریب موٹے موٹے چوہے گھوم رہے ہیں۔

اس ویڈیو کے سامنے آمنے پر عوام غیص و غضب کا شکار ہوئے اور انہوں نے انتظامیہ و حکومت کو شدید تنقید کا نشانہ بنایا ہے۔

ویڈیو میں دیکھا جا سکتا ہے کہ اسپتال کے وارڈ میں ایک مریض کے سر کے پیچھے رکھے بیگ کے ارد گرد کئی چوہے گھوم رہے ہیں۔  

مریض، جو گہری نیند میں تھا، چوہوں کی موجودگی سے بالکل لاعلم تھا۔

میڈیا رپورٹ کے مطابق یہ واقعہ ریاست مدھیا پردیش کے ایک اسپتال کے بچوں کے وارڈ میں پیش آیا ہے، تاہم واقعے کی صحیح تاریخ اور مقام کی ابھی تصدیق نہیں ہو سکی ہے۔  

ویڈیو وائرل ہونے کے بعد اسپتال انتظامیہ اور حکام ہلچل مچ گئی ہے۔ ابتدائی اطلاعات کے مطابق، اسپتال کے حکام نے معاملے کی فوری تحقیقات کا حکم دے دیا ہے۔

عوام نے اس واقعے پر سخت غم و غصے کا اظہار کیا ہے اور اسپتال کے صفائی ستھرائی کے انتظامات پر سوال اٹھائے ہیں۔