بارات میں رقص کے دوران دولہا گھوڑے سے گر کر ہلاک، ویڈیو وائرل

مدھیہ پردیش میں اپنی  بارات میں رقص کرنے کے دوران دولہاگھوڑے پر چڑھنے کے دوران گر کر زندگی کی بازی ہار گیا۔

غیر ملکی ذرائع ابلاغ کے مطابق ایک 26 سالہ شخص مدھیہ پردیش کے شیوپور ضلع میں اپنی بارات کے دوران گھوڑے پر سوار ہوتے ہوئے گر کر ہلاک ہو گیا۔

 یہ افسوسناک واقعہ جمعہ کی رات پیش آیا اور اگلے دن سوشل میڈیا پر اس شخص کے آخری لمحات کی ویڈیو منظر عام پر آئی۔

دولہے کی شناخت پردیپ جاٹ کے طور پر ہوئی ہے، جو کانگریس کی طلبہ ونگ نیشنل اسٹوڈنٹس یونین آف انڈیا (NSUI) کے سابق ضلعی صدر ہیں۔

ڈسٹرکٹ ہسپتال کے سول سرجن ڈاکٹر آر بی گوئل نے کہا کہ خاندان کے افراد نے دولہے کو اسپتال پہنچا، مگر اس سے قبل ہی اس کی موت ہوچکی تھی۔