برطانیہ نے روسی سفارتکار کو ملک بدر کردیا

لندن: سفارتی تعلقات میں کشیدگی کے بعد برطانیہ نے روسی سفارتکار کو ملک بدر کردیا۔

غیرملکی خبررساں ادارے کے مطابق برطانوی وزیر خارجہ نے کہاکہ کارروائی روس کی جانب سے برطانوی سفارت کار کی بیدخلی کے جواب میں کی گئی ہے۔

برطانوی میڈیا کا کہنا تھا کہ روس نے برطانوی سفارت کار کو جاسوسی کے الزام پر ملک چھوڑنے کا حکم دیا تھا۔ روس کی جانب سے مزید کارروائی کو اشتعال انگیزی سمجھا جائے گا۔

برطانوی وزیر خارجہ کا کہنا تھا کہ قومی سلامتی کے تحفظ پر سجمھوتہ نہیں کریں گے۔انہوں نے مزید کہا کہ روس ہمارے خلاف کارروائی کرے گا تو ہم بھی جواب دیں گے۔