دوحہ میں اسرائیلی بمباری، اسرائیل کا حماس قیادت کو نشانہ بنانے دعویٰ

اسرائیل نے قطر پر فضائی حملہ کرکے مقبوضہ فلسطین کی مزاحمتی تنظیم حماس کے سینیئر ترین رہنما خلیل الحیہ کو شہید کردیا۔

غیر ملکی ذرائع ابلاغ کے مطابق امریکا نے سیز فائر کے حوالے سے حماس کی قیادت کو مذاکرات کیلیے اکھٹا کیا اور اسرائیل نے حملہ کردیا۔

دوحہ حملے میں خالد مشعال کو بھی نشانہ بنائے جانے کی اطلاع سامنے آرہی ہے۔

الجزیرہ کی رپورٹ کے مطابق جس عمارت میں امریکا سے حما س کے مذاکرات جاری تھے اس عمارت کو اسرائیل نے بھرپور طریقے سے نشانہ بنایا ہے۔

قطر کی جانب سے اسرائیلی حملے کی شدید مذمت کی گئی ہے، اسرائیل نے حملے سے پہلے امریکا کو اعتماد میں لیا تھا۔

صحافی سلیمان احمد نے اسرائیلی میڈیا ذرائع کا حوالہ دیتے ہوئے کہا کہ تل ابیب نے امریکہ کو دوحہ حملے کے بارے میں پہلے آگاہ کیا اور اعتماد میں لیا تھا۔ حملے میں برطانوی طیارے نے بھی حصہ لیا۔

رپورٹ کے مطابق دوحہ میں ہونے والے حملے میں برطانیہ نے اسرائیل کا بھرپور ساتھ دیا اور اس کے طیارے نے بمباری میں حصہ بھی لیا۔