حلف برداری سے پہلے یرغمالی رہا نہ ہوئے تو! ٹرمپ نے دھمکی دے دی

 واشنگٹن : امریکا کے منتخب صدر ڈونلڈ ٹرمپ نے حماس تنظیم کو خبردار کیا ہے کہ اگر 20 جنوری کو ان کی حلف برداری سے پہلے غزہ کی پٹی میں یرغمال افراد کی رہائی عمل میں نہ آئی تو مشرق وسطی میں اس کی بھاری قیمت چکائی جائے گی۔

میڈیارپورٹس کے مطابق ٹرمپ کا مزید کہنا تھا کہ انسانیت کے خلاف ان شرم ناک حرکتوں کے ذمے داروں کو اس کی قیمت چکانا پڑے گی۔

نو منتخب صدر نے کہا کہ یہ ذمے داران امریکا کی بھرپور تاریخ میں کسی بھی دوسرے شخص سے زیادہ خسارے میں رہیں گے ،یرغمالیوں کو اب رہا کر دو !۔