حسینہ واجد کیخلاف قتل کا تیسرا مقدمہ درج، رکشے والے کی جان لینے کا الزام

بنگلادیش کی سابق وزیر اعظم حسینہ واجد کے خلاف رکشہ ڈرائیور کو قتل کرنے کا مقدمہ درج کر کے تحقیقات کا آغاز کردیا گیا ہے۔

بین الاقوامی میڈیا رپورٹ کے مطابق حکومت ہاتھ سے جانے کے بعد بنگلادیش کی سابق وزیراعظم حسینہ واجد کے خلاف یہ مجموعی طور پر پانچواں جبکہ قتل کا تیسرا مقدمہ ہے۔

مقدمے میں سابق وزیراعظم، وزیر دفاع، وزیر ٹرانسپورٹ، وزیر خارجہ سمیت 11 سابق حکومتی عہدیداران کو نامزد کیا گیا ہے۔

مقدمے میں کہا گیا ہے کہ طلبا کے احتجاج کے دوران پولیس نے حکومتی احکامات پر عملدرآمد کرتے ہوئے مظاہرین پر اندھا دھند فائرنگ کی جس کے نتیجے میں رکشہ ڈرائیور کو گولی لگی اور وہ جاں بحق ہوگیا تھا۔