مہا کمبھ میلہ، ہندوؤں کے سب سے بڑے اجتماع میں بھگڈر سے ہلاکتیں 30 ہوگئیں

بھارتی ریاست اتر پردیش کے پریاگ راج میں مہا کمبھ کے مقام پر بھگدڑ مچنے کے نتیجے میں ہلاک ہونے والے ہندو یاتریوں کی تعداد 30 تک پہنچ گئی جبکہ کئی کی حالت تشویشناک ہے جس کے باعث اموات میں اضافے کا خدشہ ظاہر کیا گیا ہے۔

پولیس افسر ویبھو کرشنا نے صحافیوں کو بتایا کہ پچیس لاشوں کی شناخت کر لی گئی ہے جبکہ 60 زخمی ہیں جو اسپتالوں میں زیر علاج ہیں۔

ہلاکتوں کا اعلان مقامی رپورٹس اور پریاگ راج کے رہائشیوں کی جانب سے بھگدڑ میں ہونے والی اموات کے بارے میں سوشل میڈیا پر پوسٹ کرنے کے چند گھنٹے بعد سامنے آیا۔ تاہم رپورٹیں مرنے والوں کی تعداد سے مطابقت نہیں رکھتی تھیں۔

مہا کمبھ کے سنگم علاقے میں صبح سے پہلے بھگدڑ اس مچی جب زائرین ماونی اماوسیہ کے موقع پر مقدس ڈبکی لگانے کے لیے جگہ کی طرف بھاگے، جو کہ سب سے مبارک دنوں میں سے ایک ہے۔

پولیس افسر نے بتایا کہ بھگدڑ مچنے سے پہلے ہی بہت سے لوگوں نے رکاوٹیں توڑنا شروع کر دیں تھیں۔ کرناٹک کی رہنے والی سروجنی جو مہا کمبھ میں ڈبکی لگانے آئیں تھیں۔ انہوں نے نے خبر رساں ایجنسی پی ٹی آئی کو بتایا، "ہم دو بسوں میں 60 لوگوں کے ساتھ آئے تھے، ہمارے گروپ میں نو لوگ تھے۔ اچانک ہجوم میں دھکا لگا، اور ہم پھنس گئے اور ہجوم بے قابو ہو گیا۔"