سلمان رشدی پر حملہ، لبنانی شہری مجرم قرار

امریکی عدالت نے سلمان رشدی پر حملہ کرنے والے ہادی مطر کو قتل کی کوشش کے جرم میں مجرم قرار دے دیا۔

غیر ملکی میڈیا کے مطابق، نیویارک کی عدالت میں رواں ماہ کے آغاز میں ہادی مطر کے خلاف مقدمہ شروع ہوا تھا۔ لبنانی نژاد امریکی شہری ہادی مطر نے مقدمے کے دوران اعتراف جرم کرتے ہوئے اپنے جرم کو تسلیم کیا۔

عدالت نے اسے 23 اپریل 2025ء کو سزا سنانے کا فیصلہ کیا ہے، جس کے تحت اسے ممکنہ طور پر 25 سال قید کی سزا ہو سکتی ہے۔

رپورٹس کے مطابق، 27 سالہ ہادی مطر پر الزام تھا کہ اس نے 2022ء میں سلمان رشدی پر درجنوں بار چاقو سے حملہ کیا، جس کے نتیجے میں رشدی کی بینائی شدید متاثر ہوئی۔

یہ واقعہ ادبی اور سماجی حلقوں میں شدید ردعمل کا باعث بنا تھا۔