اسرائیل سے تعلقات بہتر کرنے پر مجھے قتل کیا جاسکتا ہے، محمد بن سلمان

امریکی میڈیا کا دعوی ہے کہ سعودی ولی عہد محمد بن سلمان نے اپنے قتل کا خدشہ ظاہر کیا ہے۔

امریکی میگزین نے اپنی رپورٹ میں دعو ی کیاہے کہ محمد بن سلمان نے کانگریس اراکین سے ٹیلی فونک گفتگو میں اس خدشے کا اظہار کیا۔

انہوں نے کہا کہ میں نے اسرائیل سے تعلقات معمول پر لانے اور امریکا کی حمایت کر کے اپنی جان داؤ پر لگائی ہے اور مجھے اس باعث قتل  بھی کیا جاسکتا ہے۔

محمد بن سلمان نے کہا کہ اس خدشے کے پیش نظر میں چاہتا ہوں کہ اسرائیل سے تعلقات کے معاملے پر آزاد فلسطینی ریاست کو تسلیم کرنے کا معاہدہ بھی طے کیا جائے۔ انہوں نے اس موقع پر سابق مصری صدر کے قتل کا حوالہ دیتے ہوئے دعویٰ کیا کہ انہیں بھی اسرائیل سے تعلقات کی بنیاد پر قتل کیا گیا۔