سونے کی قیمت میں ہزاروں روپے کی بڑی کمی

پاکستان میں کاروباری ہفتے کے پانچویں روز سونے کی قیمت میں ہزاروں روپے کی کمی ہوئی ہے۔

بین الاقوامی بلین مارکیٹ میں فی اونس سونے کی قیمت 40 ڈالر کی بڑی کمی سے 2185 ڈالر کی سطح پر آنے کے باعث مقامی صرافہ مارکیٹوں میں بھی جمعہ کو قیمتوں میں بڑی کمی ہوئی۔

جمعے کو پاکستان بھر کے صرافہ بازاروں میں  24 قیراط کے حامل فی تولہ سونے کی قیمت 4200 روپے کی کمی ہوئی جس سے 228200 روپے پر پہنچ گئی۔

اسی طرح فی دس گرام سونے کی قیمت بھی 3600روپے کی کمی سے 195645روپے کی سطح پر آگئی۔

فی تولہ چاندی کی قیمت 20روپے کی کمی سے 2580روپے اور فی دس گرام چاندی کی قیمت بھی 17.15روپے کی کمی سے 2211.93روپے ہوگئی۔