اداکارہ حرا عمر کی تصاویر پر تنازع : ’ایسا بھی کیا اپنا مذہب ہی بھول جاؤ‘
Webdesk
|
26 Dec 2023
پاکستانی اداکارہ حرا عمر کی کرسمس کے موقع پر کچھ ایسی تصاویر وائرل ہوئیں جن پر صارفین شدید تنقید کررہے ہیں۔
حرا عمر ان دنوں تفریح کی غرض سے مالدیپ میں موجود ہیں اور انہوں نے سماجی رابطے کی سائٹ پر اپنی تین تصاویر شیئر کیں۔
ان تصاویر کے ساتھ انہوں نے سب کو کرسمس کی مبارک باد دی۔
تصاویر پر تنقید کیوں ہورہی ہے؟
اداکارہ ان تصاویر میں مختصر مغربی لباس زیب تن کی ہوئیں ہیں، جس کو صارفین نے بالکل بھی پسند نہیں کیا اور انہیں شدید تنقید کا نشانہ بنایا۔
اسی کے ساتھ اُن کے قریب وائن کی بوتل بھی موجود ہے جبکہ گلاس میں شراب بھری ہوئی ہے۔
اداکارہ نے ان تصاویر کے ساتھ اپنے مداحوں کو مخاطب کر کے لکھا کہ ’ٹھنڈے ہوجائیں کیونکہ یہ شراب نہیں بلکہ جوس ہے اور میں شراب پینے کی ترویج بھی نہیں کررہی‘۔
صارفین نے کمنٹس میں لکھا کہ آپ کی طرف سے اسرائیلی بربریت پر ایک بھی پوسٹ نہیں کی گئی۔
ایک صارف نے لکھا کہ ’اب وقت ہے کہ حرا عمر کو انفالو کردیا ہے، جاہل ہو کیا اتنا بھی کیا کہ اپنا مذہب ہی بھول جاؤ‘۔
Comments
0 comment