اداکارہ کی صحت کے حوالے سے تشویشناک خبر

بالی ووڈ کے لیجنڈری اداکار دلیپ کمار کی اہلیہ اور بھارت کی مشہور اداکارہ سائرہ بانو کی صحت کے حوالے سے تشویشناک خبر سامنے آئی ہے۔ 

بھارتی رپورٹس کے مطابق، 80 سالہ اداکارہ کو اکتوبر 2024 میں نمونیا کی تشخیص ہوئ، جس کے بعد انکو طبی پیچیدگیوں کا سامنا کرنا پڑا اور اب ان کی ٹانگ میں خون کے دو لوتھڑے بن گئے ہیں۔

اس مرض کیوجہ سے اداکارہ کو چلنے پھرنے میں شدید مشکلات کا سامنا ہے تاہم وہ گھر میں سہارے سے چل پھر لیتی ہیں اور باہر انکے لیے چہل قدمی مشکل ہو جاتی ہے۔

ذرائع کے مطابق انکا علاج جاری ہے تاہم اس حوالے سے ڈاکٹرز نے کوئی اطمینان بخش جواب نہیں دیا ہے۔