حرا مانی کے نئے فوٹو شوٹ پر ہنگامہ، بولڈ لباس پر صارفین بھڑک اٹھے

مشہور اداکارہ حرا مانی ایک بار پھر سوشل میڈیا صارفین کی توجہ کا مرکز بن گئیں، جہاں ان کے تازہ فوٹو شوٹ نے ایک نئی بحث چھیڑ دی ہے۔

اداکارہ نے حال ہی میں اپنی انسٹاگرام پوسٹ پر ساڑھی میں تصویریں شیئر کیں، جن میں وہ منفرد انداز میں نظر آئیں۔ تاہم، ان کے اس انداز کو کئی صارفین نے ضرورت سے زیادہ بولڈ قرار دیا اور مختلف تبصرے کیے۔

ایک صارف نے لکھا، "اداکارہ کے بچے بڑے ہو رہے ہیں، انہیں اب اپنے امیج کا خیال رکھنا چاہیے"، جبکہ دوسرے نے طنزیہ انداز میں کہا، "یہ سب اسی شوبز کلچر کا حصہ ہے جس میں یہ لوگ رہتے ہیں۔"

کچھ صارفین نے مشورہ دیا کہ "خوبصورتی سادگی میں ہے، لباس میں بھی توازن ہونا چاہیے۔"

واضح رہے کہ اس سے قبل بھی حرا مانی کو بارش میں ساڑھی پہن کر کیے گئے فوٹو شوٹ پر شدید تنقید کا سامنا کرنا پڑا تھا۔