شہریار منور کی دسمبر میں شادی کی تصدیق، لڑکی کے بارے میں اشارہ دے دیا

پاکستانی فلم ساز اور اداکار شہریار منور نے تصدیق کی ہے کہ وہ دسمبر میں شادی کرنے جارہے ہیں۔

اداکار نے حال ہی میں ایک ٹی وی شو میں شرکت کی اور اپنی زندگی کے مستقبل کے پلان کے حوالے سے گفتگو کی۔

ایک سوال کے جواب میں انہوں نے کہا کہ 'ہاں دسمبر کے آخر میں شادی کررہا ہوں'۔

میزبان نے شہریار منور سے دلہن کے بارے متعدد بار پوچھنے کی کوشش کی تاہم وہ زیادہ تفصیلات بتانے سے گریز کیا۔

انہوں نے بس یہ بتایا کہ لڑکی کا تعلق شوبز انڈسٹری سے نہیں ہے اور وہ کوئی معروف بھی نہیں ہے۔