عاطف اسلم نے بیٹی حلیمہ کی پہلی جھلک دکھادی

پاکستان کے سٹار گلوکار عاطف اسلم نے اپنی بیٹی حلیمہ کو اپنے مداحوں سے باضابطہ طور پر متعارف کروانے کے بعد سوشل میڈیا پر تہلکہ مچادیا ہے۔

عاطف نے اتنے عرصے اپنی بچی کی تصاویر کسی کو بھی نہیں دکھائی تھی، مگر اب عاطف اسلم نے مداحوں کو اپنی بیٹی کی پہلی جھلک دکھادی ہے، کیونکہ ان کی بیٹی ایک سال کی ہوگئی ہے۔

انہوں نے تصویر کے کیپشن میں لکھا۔''بابا نے شہزادی کا جوتا اپنی جیب میں رکھا ہے، جب حلیمہ کو چاہئے ہوگا بتادینا! سالگرہ مبارک''

عاطف اسلم اور ان کی اہلیہ سارہ نے 23 مارچ 2023 کو اپنے تیسرے بچے اور پہلی بیٹی کا استقبال کیا۔

جوڑے نے 2013 میں شادی کی اور ان کے دو بیٹے ہیں۔ ان کا بڑا بیٹا احد 2014 میں اور چھوٹا 2019 میں پیدا ہوا۔