نادیہ حسین اور ان کے شوہر کیخلاف بینک فراڈ کیس میں بڑی پیشرفت

لاہور: عدالت نے 53 کروڑ روپے کے بینک فراڈ کے مقدمے میں اداکارہ نادیہ حسین کی عبوری ضمانت کی توثیق کرتے ہوئے 2 ملزمان کی ضمانتیں مسترد کردیں۔

ایڈیشنل ڈسٹرکٹ اینڈ سیشن جج جنوبی نے 53 کروڑ روپے کا بینک فراڈ کے مقدمے میں اداکارہ نادیہ حسین سمیت 2 ملزمان کی درخواست ضمانت پر فیصلہ سنادیا،عدالت نے اداکارہ نادیہ حسین کی عبوری ضمانت کی توثیق کردی۔

عدالت نے 2 ملزموں امتیاز اور فیصل کی عبوری ضمانت منسوخ کردی،عدالتی فیصلے کے فوری بعد ملزم فرار ہوگئے، دوران سماعت ایف ای اے کے افسران موجود نہیں تھے۔

ملزمان نے ایف آئی اے حکام کی عدم موجودگی کا فائدہ اٹھایا اور فرار ہوگئے،مقدمے کے مرکزی ملزم اداکارہ نادیہ کے شوہر عاطف خان پہلے ہی جیل میں ہیں۔