رجب بٹ ایک بار پھر قانون کی گرفت میں آگئے

رجب بٹ ایک بار پھر قانون کی گرفت میں آگئے

معروف ٹک ٹاکر رجب بٹ کی گاڑی سے بھی سیاہ پیپرز اتار دیے گئے۔
رجب بٹ ایک بار پھر قانون کی گرفت میں آگئے

Webdesk

|

7 Jul 2025

مشہور ٹک ٹاکر رجب بٹ ایک بار پھر قانون کی گرفت میںآگئے، ان کی گاڑی سے سیاہ شیشے اتار دیے گئے۔

رپورٹ کے مطابق لاہور میں سیاہ شیشوں والی گاڑیوں کے خلاف مہم تیز کر دی گئی ہے۔ ٹریفک قوانین کی خلاف ورزی پر معروف ٹک ٹاکر رجب بٹ کی گاڑی سے بھی سیاہ پیپرز اتار دیے گئے۔

ترجمان ڈولفن فورس کے مطابق یہ کارروائی لاہور کے علاقے ٹھوکر نیاز بیگ پر ڈی ایس پی مبشر اعوان کی سربراہی میں کی گئی۔ انہوں نے ناکے پر نگرانی کے دوران سیاہ شیشوں والی گاڑیوں کے خلاف قانونی کارروائیاں کیں، جن میں ٹک ٹاکر رجب بٹ کی گاڑی بھی شامل تھی۔

ڈولفن فورس کے ایس پی ارسلان زاہد کا کہنا ہے کہ قانون کی خلاف ورزی کرنے والی شہر بھر کی ہزاروں گاڑیوں کے خلاف کارروائیاں کی جا چکی ہیں۔

ان کا مزید کہنا تھا کہ شہریوں کو قانون کی پابندی کرنی چاہیے۔ آئندہ بھی ایسے اقدامات جاری رہیں گے اور قانون کی خلاف ورزی پر سخت کارروائی عمل میں لائی جائے گی۔

Comments

https://dialoguepakistan.com/ur/assets/images/user-avatar-s.jpg

0 comment

Write the first comment for this!