عمران خان نے پی ٹی آئی کے لاپتہ کارکنان کے حوالے سے بڑا فیصلہ کرلیا

بانی پی ٹی آئی نے تحریک انصاف کے لاپتہ کارکنان کے حوالے سے بڑا فیصلہ کرلیا۔

تفصیلات کے مطابق وکیل بانی پی ٹی آئی فیصل چودھری نے اڈیالہ جیل کے باہر گفتگو کرتے ہوئے کہا کہ مذاکراتی کمیٹی کی بانی پی ٹی آئی سے ملاقات نہ کرانا مذاکرات سبوتاژ کرنے کے مترادف ہے، بانی نے مسنگ پرسن کی تحقیقات کیلئے قاضی انور کی سربراہی میں کمیٹی بنا دی ہے جو اتوار تک اپنی رپورٹ مکمل کرے گی

انہوں نے کہا کہ آج عدالت میں بانی پی ٹی کی جیل میں سہولیات سے متعلق درخواست دی ہے، عدالت نے بانی پی ٹی آئی کو بچوں سے کال، ڈاکٹر کی رسائی اور کتابوں کی فراہمی سے متعلق ہماری درخواست منظور کی ہے۔

فیصل چوہدری کا کہنا تھا کہ پارٹی کو مسنگ پرسن معاملہ پر کام کرنے کی ہدایت کی گئی ہے، بانی پی ٹی آئی نے کہا ہے کہ میرے مقدمات مذاکرات کا ایجنڈا نہیں ہیں، پاکستان کے مسائل پر مذاکرات کی حامی بھری ہے، حکومت کی مذاکراتی ٹیم کی سنجیدگی پر مذاکرات کی حامی بھری۔

انہوں نے کہا کہ پروپیگینڈا اکاؤنٹ کے حوالے سے بانی پی ٹی آئی نے اہم ہدایات جاری کی ہیں، بانی نے بشری بی بی، شہداء اور عرب ممالک کے حوالے سے پروپیگنڈا کرنے والے سوشل میڈیا اکاؤنٹس کی مذمت کی ہے، بانی نے کہا ہے ان اکاؤنٹس سے پی ٹی آئی کا کوئی تعلق نہیں۔