ہیڈ کوارٹر میں ایک رات گزرنے کے بعد رمضان چھیپا کا امریکا سے آئی خاتون سے متعلق بڑا انکشاف

فلاحی تنظیم چھیپا ویلفیئر فاؤنڈیشن کے بانی رمضان چھیپا نے کہا ہے کہ امریکا سے شوہر کی تلاش میں پاکستان آنے والی خاتون کی ذہنی حالت ٹھیک نہیں اور وہ بیمار ہے۔

جمعے کی صبح چھیپا ہیڈکوارٹر میں میڈیا سے گفتگو کرتے ہوئے رمضان چھیپا نے کہا کہ بے گھر خاتون کو چھیپا فاؤنڈیشن کے حوالے کیا گیا ہے اور وہ "ذہنی طور پر پریشان" دکھائی دیتی ہیں۔

انہوں نے کہا، "ہم ان کا خیال رکھ رہے ہیں، ہماری خواتین رضاکار رات بھر ان کے ساتھ رہیں، اور میں ان کی حالت کی وجہ سے سو نہیں سکا۔"

انہوں نے مزید کہا، "وہ مختلف باتیں کررہی ہے،  کبھی کسی چیز کے بارے میں بات کرتی ہیں اور کبھی کسی اور چیز کے بارے میں۔ میں ان کے خاندان سے درخواست کرتا ہوں کہ وہ فوری طور پر یہاں آئیں اور انہیں اپنے ساتھ لے جائیں کیونکہ خاتون کی ذہنی حالت ٹھیک نہیں ہیں۔"

رمضان چھیپا نے کہا، "میں ان کی تکلیف مزید نہیں دیکھ سکا، کیونکہ وہ ایک ماہ سے بے گھر ہیں، یہی وجہ ہے کہ میں انہیں یہاں لایا ہوں۔" رمضان چھیپا نے نڈال میمن سے بھی اپیل کی کہ وہ خاتون سے ملاقات کرلیں میں خود اس مسئلے کو عزت کے ساتھ حل کروا دوں گا کیونکہ ہم سب اس معاملے کو عزت کے ساتھ حل کرنا چاہتے ہیں۔"

اونجا اینڈریو رابنسن ن، رمضان چھیپا کے ہمراہ میڈیا سے گفتگو کرتے ہوئے بیرون ملکsettleہونے کے اپنے ارادے کا اظہار کرتے ہوئے کہا، "میں جلد ہی اپنے شوہر کے ساتھ دبئی جاؤں گی۔"

مزید برآں، انہوں نے حکومت پاکستان سے 100,000 ڈالر کا مطالبہ کیا۔

رمضان چھیپا نے بتایا تھا کہ وہ خاتون کو ٹیپو سلطان پولیس اسٹیشن سے شیلٹر ہوم لائے تھے کیونکہ وہ ایک ماہ کی بے چینی کی وجہ سے بیمار ہو گئی تھیں۔

رمضان چھیپا نے مزید کہا، "خاتون میری بہن کی طرح ہے اور میں نے ان کے لیے رہائش کا انتظام کیا ہے۔ وہ یہاں جب تک چاہیں رہ سکتی ہیں۔"