جماعت اسلامی کا ایران پر امریکی حملے کیخلاف یوم احتجاج کا اعلان

جماعت اسلامی کی جانب سے  ایران پرامریکی حملے کے خلاف کل بروز پیر یوم احتجاج منانے کا اعلان کردیا گیا ہے۔

ذرائع کے مطابق جماعت اسلامی کے امیر حافظ نعیم الرحمان نے امریکی حملے کے خلاف احتجاج کا اعلان کیا اور کہا کہ واشنگٹن کے خلاف پیر کے روز ملک بھر میں احتجاج کیا جائے گا۔

جماعت اسلامی کے امیر حافظ نعیم الرحمان کا کہنا تھاکہ امریکا نے فوری یہ جنگ بند نہ کی تو احتجاجی تحریک کو مزید منظم کیا جائے گا۔

واضح رہے کہ امریکا نے ایران پر بنکر بسٹر بموں اور میزائلوں سے حملہ کردیا۔ فردو، نطنز اور اصفہان کی تین جوہری تنصیبات کو نشانہ بنایا۔ حملہ کر کے امریکا بھی اسرائیل کی ایران پر مسلط کردہ جنگ میں شامل ہوگیا۔