کراچی میں 24 ستمبر کو تعطیل کا اعلان

کراچی: شہر قائد میں بدھ 24  ستمبر کو تعطیل کا اعلان کیا گیا ہے جس کے لیے باضابطہ نوٹیفکیشن بھی جاری کر دیا گیا ہے۔

ذرائع کے مطابق کراچی میں بدھ 24  ستمبر کو تعطیل ہوگی اور اس حوالے سے ضلع کراچی سروسز جنرل ایڈمنسٹریشن اینڈ کوآرڈینیشن کی جانب سے نوٹیفکیشن بھی جاری کر دیا گیا ہے۔

تاہم یہ نوٹیفکیشن کراچی کے ضلع غربی، شرقی اور کیماڑی کے ان علاقوں کے لیے جاری کیا گیا ہے، جہاں بدھ 24 ستمبر کو ضمنی انتخابات منعقد ہوں گے۔

صوبائی الیکشن کمیشن کے مطابق سندھ کے 14 اضلاع کی 28 نشستوں پر ضمنی بلدیاتی الیکشن ہوں گے۔ جس کے لیے تمام انتظامات کو حتمی شکل دیدی گئی ہے۔

رپورٹس کے مطابق ان ضمنی انتخابات میں 2 ممبر ڈسٹرکٹ کونسل، 6 چیئرمین، 7 وائس چیئرمین اور 13 جنرل/ وارڈ ممبران کو منتخب کیا جائے گا۔