کراچی میں بارشیں کب سے ہوں گی؟ محکمہ موسمیات نے بتادیا

شہر قائد میں میں آئندہ 24 گھنٹوں کے دوران موسم گرم اور مرطوب رہے گا، جبکہ بارش کا فی الحال کوئی امکان نہیں ہے۔

محکمہ موسمیات مطابق کراچی میں آج گرمی کی شدت میں اضافے کا امکان ہے جبکہ شہر میں آج شام یا رات کے اوقات میں بوندا باندی بھی ہو سکتی ہے۔

تجزیہ کار کے مطابق اس وقت شہر میں مغربی سمت سے17کلو میٹر فی گھنٹہ کی رفتار سے ہوائیں چل رہی ہیں۔کراچی کے شمال مشرقی اطراف میں آج تھنڈر سیل کی تشکیل ممکن ہے۔

موسمیاتی تجزیہ کار کا اپنے بیان میں کہنا تھا کہ کراچی میں مون سون کی ابتدائی بارشیں 8 سے 10 جولائی کو ہوسکتی ہیں۔

شہر میں آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے جب کہ ہوا میں نمی کا تناسب 74 فیصد ہے۔