خیبرپختونخوا کو 10 روپے فی یونٹ بجلی دینے کی قرارداد کثرت رائے سے منظور

خیبرپختونخوا کو 15 روپے میں بجلی فراہم کرنے کی قرارداد کثرت رائے سے منظور کرلی گئی ہے۔

تفصیلات کے مطابق خیبرپختونخوا اسمبلی میں پاکستان تحریک انصاف کے رکن اسمبلی فضل الہیٰ نے قرار داد پیش کی۔

اس کے متن میں لکھا گیا ہے کہ خیبرپختونخوا میں 2 سے 3 روپے فی یونٹ کی لاگت سے بجلی پیدا ہورہی ہے جبکہ وفاق کی جانب سے صوبے کو یہی بجلی 70 سے 100 روپے فی یونٹ میں دی جارہی ہے۔

ایوان نے مطالبہ کیا کہ خیبرپختونخوا کو فی یونٹ بجلی 10 سے 15 روپے میں فراہم کی جائے۔ ایوان نے قرارداد کو کثرت رائے سے منظور کرلیا۔