پاکستان ایئرفورس کا طیارہ گرکر تباہ، پائلٹ شہید

پاکستان ائیر فورس اصغر خان اکیڈمی رسال پور کا تربیتی K8 جہاز رن وے سے تھوڑے سے فاصلے پر دوران پرواز کھیتوں میں گر کر تباہ ہوگیا۔

جہاز میں سوار پائلٹ شہید ہوگیا۔ جہاز کی گرنے کی اطلاع ملتے ہی ایئر فورس، آرمی اور پولیس  کے سیکورٹی اہلکاروں نے جہاز کی گرنے والے جگہ کو اپنے تحویل میں لے کر مختلف زاویوں سے تفتیش شروع کردی ۔

تفصیلات کے مطابق پاکستان ائیر فورس اصغر خان اکیڈمی رسالپور میں ایک تربیتی جہاز K8 معمول کے مطابق اڑان بھر کر جو نہی پرواز کررہا تھا کہ اس دوران جہاز رن وے سے تھوڑے سے فاصلے پر رسالپور آرمی گیٹ نمبر کے قریب کھیتوں میں گر تباہ ہوگیا جس میں سوار پائلٹ اسکواڈرن لیڈر  احمد میاں  موقع پر شہید ہوگئے۔

جہاز گرنے کی اطلاع ملتے ہی ایئر فورس اور آرمی کے اعلیٰ حکام موقع پر پہنچتے ہی ائیر فورس ، آرمی اور پولیس کے سیکورٹی اہلکاروں نے جہاز گرنے کی جگہ کو اپنے تحویل میں لے کر تفتیش شروع کردی اور فائیر بریگیڈ کی گاڑی نے جہاز میں لگنے والا آگ پر قابو پاکر ریسکیو ٹیم نے تربیتی جہاز میں شہید سکواڈرن لیڈر  احمد میاں کی لاش کو ہسپتال منتقل کر دیا۔

تربیتی جہاز گرنے کی وجہ معلوم کرنے کے لیے ائیر فورس کے اعلیٰ حکام نے انکوائری شروع کردی ۔