اپر چترال: گاڑی گہری کھائی میں گرنے سے 4 افراد جاں بحق

 پشاور: اپرچترال کے علاقے یارخون لشٹ میں گاڑی کھائی میں گرنے سے 4 افراد زندگی کی بازی ہار گئے جبکہ 10سے زائد افراد زخمی ہوگئے۔

ذرائع کے مطابق ریسکیو 1122 کے مطابق پاموٹھینگ بریپ کے مقام پر لینڈ کروزر گاڑی گہری کھائی میں جاگری، جاں بحق ہونے والوں میں ڈرائیور، ایک خاتون اور دو بچے شامل ہیں۔

زخمی افراد کو قریبی اسپتال منتقل کر دیا گیا ہے جبکہ تشویش ناک حالت میں مبتلا 3 زخمیوں کو پشاور منتقل کر دیا گیا۔