’ریاست مخالف پروپیگنڈے‘ پر صحافی فرحان ملک پیکا مقدمے میں گرفتار

ایف آئی اے سائبر کرائم سرکل نے کراچی میں ایک کارروائی کے دوران ’ریاست مخالف پروپیگنڈے‘ کے تحت درج مقدمے میں سوشل میڈیا ایکٹیوسٹ فرحان ملک کو گرفتار کرلیا ۔

ایف آئی اے ذرائع کے مطابق سوشل میڈیا ایکٹیوسٹ فرحان ملک کے خلاف کچھ عرصہ قبل انکوائری کا آغاز کیا گیا،جسے بعد ازاں مقدمے میں تبدیل کیا گیا۔

ایف آئی اے نے جمعرات کو فرحان ملک کو اُس وقت گرفتار کیا جب وہ اپنے اوپر عائد ہونے والے الزامات سے متعلق بیان ریکارڈ کروانے سائبر کرائم سرکل کے دفتر پہنچے تھے۔ 

ذرائع سائبر کرائم کے مطابق درج کردہ مقدمے میں ریاست مخالف پروپیگنڈے کے علاوہ حالیہ پیکا ایکٹ کی شقیں بھی درج کی گئی ہیں۔ واضح رہے کہ فرحان ملک کے خلاف جاری انکوائری کے تسلسل میں انھیں ایک سے زائد مرتبہ کراچی ائیر پورٹ پر فضائی سفر کے دوران آف لوڈ کیا جاچکا تھا۔